Apple е компанија која ги поставува трендовите на пазарот на смартфони. Иако тие не беа први кои претставија уред со исечок на екранот, овие уреди не станаа популарни се до iPhone X.
Истото изгледа важи и за минатогодишниот iPhone XR, трет модел во серијата кој доаѓа со пониска цена од другите два модели, на сметка на одреден процент на различни карактеристики.
Иако не е 100% сигурно, сепак со голема сигурност знаеме дека и Samsung повторно ќе се врати на lite верзиите од своите најдобри модели, па за 20 феврурари се очекува претставување на три различни варијанти од Galaxy S10 серијата.
Според неофицијалните информации, истото го планира и Google, oдносно и тие ќе претстават модел којшто ќе им конкурира на овие поевтини модели од двата најголеми конкуренти на пазарот.
Google Pixel 3 Lite е наводно моделот којшто од Google го спремаат, а како и минатиот пат, објавено е видео од тест уред до кој имаат дојдено во источна Европа.
Видеото е на почетокот од статијата, а на него можете да се види како треба да изгледа овој телефон, како и некои од неговите карактеристики.
