По најавата дека претставувањето на вториот телефон од Nothing ќе биде ова лето, сега од компанијата ја објавија и официјалната дата.
Nothing Phone (2) ќе биде претставен на 11 јули во Лондон на онлајн настан кој ќе може да се гледа преку страната на компанијата со почеток во 17:00 часот по македонско време.
Тоа што е официјално познато за овој телефон е дека ќе дојде со чип од повисоката класа, нешто што беше барано од корисниците.
Чипот на којшто ќе работи Nothing Phone (2) е Snapdragon 8+ Gen 1, a по неофицијалната најава од страна на директор во Qualcomm, информацијата беше потврдена и од страна на Карл Пеи.
Можеби ова не е најновиот чип од Qualcomm, но тој сепак е од највисоката класа и многу малку заостанува зад најновиот Snapdragon 8 Gen 2.
Корисниците може да очекуваат доста големо подобрување на перформансите во споредба со Nothing Phone (1).
Од другите карактеристики се очекува дека телефонот ќе дојде со батерија со капацитет од 4.700 mAh, поголем екран за 0,15 инчи и три камери со по 50 мегапиксели.