header

Новиот паметен телефон на Meizu од средно – високата класа има исклучително ниска цена, која е тешко да се поверува дека ја постигнале откако ќе се види какви спецификации и можности има.

Како и скоро секој нов кинески смартфон и m3 note (да, името е со мали букви) е целосно изработен од алуминиум, што оддава чувство на квалитет, цврстина и луксуз. Дизајнот неодоливо потсетува на iPhone, но од Meizu тоа е и очекувано – тие дури и Android Lollipop софтверот го имаат облечено во iOS скин, кој го нарекуваат Flyme OS.

gsmarena_009

Работите се подеднакво интересни во внатрешноста – процесорот е солидниот MediaTek Helio P10 со осум јадра на 1,8 GHz и Mali T860 графика, помогнат од 2 GB рам и 16 GB простор во почетниот, односно од 3 GB рам и 32 GB брз eMMC 5.1 SSD диск во поскапиот модел. Дисплејот има големина од 5,5 инчи и Full HD резолуција, а заштитен е со стакло со 2.5D искривеност на страните.

gsmarena_010

Задната камера има 13 мегапиксели, додека предната има солидни 5 мегапиксели. Батеријата има огромен капацитет од 4.100 mAh и според тоа би требало да овозможи скоро два дена користење без да ја наполните повторно. Нормално, во предното хардверско копче е вграден и читач за отпечатоци на прстите, а ќе има и опција за две сим картички (доколку се зафатени двете, не може да се стави micro SD картичка и обратно).

gsmarena_008

Најголем адут на Meizu m3 note сепак е цената, која во Кина почнува од фантастично ниски 125 долари за основниот модел, односно 155 долари за помоќниот модел со 3 GB рам и 32 GB простор. Уредот ќе биде достапен во Кина од 11 април и засега немаме информации дали ќе може да се купи и кај нас, иако држиме стегнати палци, бидејќи за тие пари можеби моментално и нема подобар избор.

gsmarena_007

Извор: Android Central, GSMArena, PhoneArena

Претходна статијаPlayStation 4 Remote Play овозможува играње на игрите од PC или Mac
Следна статијаSurface Phone одложен за идната година – ќе има три различни верзии?