Како што се очекуваше, Huawei ќе ги претстави Mate 30 уредите овој месец. Тие официјално го закажаа настанот на којшто ќе бидат презентирани уредите за 19-ти септември, а ќе се одржи во Минхен.

Huawei Mate 30 се очекува да работи на новиот Kirin 990 којшто треба да биде претставен оваа недела на IFA 2019 саемот во Берлин. Исто така, за Mate 30 се најавуваат 4 камери на задната страна, со што овој уред ќе ја продолжи традицијата на Huawei на едни од најдобрите уреди на пазарот кога е во прашање фотографијата.

Сепак, поради проблемите кои ги има компанијата со САД, главното внимание за овој настан сепак прво ќе биде да се види на кој софтвер ќе работат новите уреди. Веќе има најави дека тие нема да може да ги користат Google сервисите и апликациите, па иако оперативниот систем треба да биде Android, нема да ги има Google Chrome, Maps, Gmail, како и продавницата Play Store.

Дозволата која Google ја има за соработка со Huawei, според информациите е за веќе претставените уреди, па иако ова не е официјално, постои шанса да сепак дозвола не биде издадена за новите уреди.

Huawei настанот го најави преку нивниот Twitter профил во форма на кратко видео, а еве ја најавата во продолжение.

ИЗВОРEngadget
ИЗВОР 2The Verge
Претходна статијаSamsung Galaxy Fold повторно достапен за регистрација од страна на заинтересираните купувачи од САД
Следна статијаVip стана А1
Мишо Лекиќ
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.
Facebook

ПОВРЗАНИ СТАТИИПОВЕЌЕ ОД АВТОРОТ