Со оглед на бројот на неофицијални информации кои го покажуваат истото, веќе може со голема сигурност да се каже дека Galaxy S10 телефоните ќе го користат Infinity-O екранот. Тоа значи дека на предната страна веќе скоро и нема да има рамки, тие ќе бидат минимални на горниот и долниот дел, а камерата ќе биде сместена во мала дупка на екранот.
Ова е поразлично од тоа за какво решение се одлучија повеќето конкуренти кои имаат исечок на горната страна за камерата и сензорите, а имаше и такви решенија кои камерата ја извлекуваат од самиот уред или самиот уред е на лизгање.
Изгледа годината кога ќе гледаме телефони без воопшто рамки, како и исечоци и дупки, ќе биде сепак 2020, а не оваа.
Познатиот “протекувач” на неофицијални информации Еван Блас е тој кој ни ја овозможи и оваа најнова слика од која најдобро досега се гледа предната страна од Galaxy S10.
Samsung Galaxy S10 “Beyond 1,” in the wild. pic.twitter.com/EMquh59Kln
— Evan Blass (@evleaks) January 3, 2019
Покрај овој модел, се верува дека Samsung ќе претстави и уште два, односно поголем plus модел, како и еден помал lite модел.
Претставувањето се очекува да биде некаде пред почетокот на MWC 2019 во Барселона, саем за технологија кој се одржува на крајот од февруари.
