Првиот iPhone кој го најави тргањето на home копчето од телефоните на Apple, беше iPhone X кој беше претставен во 2017. Заедно со него беше претставен и iPhone 8 кој го задржа стариот дотогаш користен дизајн, а iPhone X изгледа беше еден вид на тест за тоа како корисниците ќе го прифатат тој концепт.
Како што се виде од годината потоа, Apple сите модели ги претстави во форматот и дизајнот на iPhone X, со што home копчето отиде во историјата, барем кај iPhone уредите.
Доналд Трамп изгледа дури оваа година се има решено да го купи најновото од Apple, па минатата недела тој даде и свое мислење преку неговиот омилен медиум за комуникација, Twitter.
To Tim: The Button on the IPhone was FAR better than the Swipe!
— Donald J. Trump (@realDonaldTrump) October 25, 2019
Тој го повика Тим Кук и му нагласи дека копчето на iPhone било многу подобро од „swipe“ гестикулацијата која го замени ова копче. Кратко и едноставно, а секако интересно и привлечно за коментари од повеќето кои ги „сакаат“ твитовите на претседателот на САД.