Намерно или не, некои од производителите знаат предвремено и сами да ги претстават новите модели на смартфони, како што сега му се случи на Asus, кој (веројатно по грешка) ги имаше постирано фотографиите и спецификациите за ZenFone 4, ZenFone 4 Selfie, ZenFone 4 Selfie Pro и ZenFone 4 Max. Трите модели ќе бидат најдобрите смартфони на производителот и се дел од веќе прилично успешната ZenFone линија.
Првиот и веројатно најважен смартфон во понудата е ZenFone 4, кој ќе има прилично солидни спецификации, како Snapdragon 630 процесор помогнат од 4 GB рам и 64 GB простор, солидна батерија од 3.300 mAh и голем дисплеј од 5,5 инчи и Full HD резолуција. Задната двојна камера пак има еден сензор со 12 и еден со 8 мегапиксели, додека предната камера ќе има 8 мегапиксели. Цената сепак би изнесувала прилично високи 499 евра.
ZenFone 4 Selfie е интересно послаб телефон од горе споменатиот ZenFone 4, бидејќи има дисплеј со големина од 5,5 инчи и помала HD резолуција, како и послаб Snapdragon 430 процесор помогнат од 4 GB рам и 64 GB простор, со батерија од 3.000 mAh. Сепак, ZenFone 4 Selfie има подобра предна камера, која е во овој случај двојна – едниот сензор има 20, додека другиот има 8 мегапиксели, а вграден е и селфи блиц.
ZenFone 4 Selfie Pro пак е подобрена верзија на селфи изведбата, со предни камери од 24 и 5 мегапиксели, AMOLED дисплеј со големина од 5,5 инчи и Full HD резолуција, помоќен Snapdragon 625 процесор со 4 GB рам и 64 GB простор. Цената на овој модел ќе изнесува 399 евра, што е за 100 евра повеќе од обичниот ZenFone 4 Selfie.
ZenFone 4 Max е последниот смартфон во понудата, кој и покрај името има само 5,2 инчен дисплеј со HD резолуција, 3 GB рам и 64 GB простор, но и батерија од масивни 4.100 mAh – одлична бројка со оглед на големината на екранот. Цената на овој смартфон изнесува 229 евра, што е прилично достапно за еден таков смартфон.
Сите телефони ќе бидат инаку претставени на 19 август.
Извор: TechnoBuffalo, Indian Express, Pocket-Lint
