Сигурно повеќето од нас кои што го користиме Skype секојдневно, веќе видовме дека сервисот има проблеми од ова утро. Кога ќе ја вклучите програмата, истата покажува дека не сте поврзани, па соодветно на тоа и сите ваши пријатели се офлајн.
Од Skype истакнуваат дека се свесни за проблемот и веќе активно работат на откривање и отклонување на проблемот.
Сепак, според информацијата од компанијата, а истата можеме да ја потврдиме, комуникацијата сепак може да се одвива. Иако Skype покажува дека сте исклучени, разговорите може да се одвиваат нормално. Исто така, комуникацијата се одвива без проблеми преку web.skype.com.
Проблемот на кој што се’ уште се работи сепак ги оневозможува аудио повиците, а има проблеми и со некои пораки од групните разговори.
Извор: Skype
