Од пораки кои Microsoft има почнато да ги испраќа до корисниците на Outlook.com имејл сервисот, може да се дознае дека од компанијата планираат одредени промени во тоа како ќе се смета просторот кој го зафаќаат пораките.
Поточно, сите пораки кои во нив содржат прикачени датотеки, ќе почнат да се бројат кон просторот на OneDrive, па од компанијата им препорачуваат на корисниците да ако веќе ја имаат датотеката во OneDrive, да испраќаат само линк до истата.
Ова не би требало да претставува проблем за повеќето корисници, а посебно за тие кои плаќаат месечна претплата. OneDrive просторот за корисниците кои плаќаат почнува од 1 терабајт, па нагоре, што значи дека мали се шансите да се пополни целиот тој простор.
Сепак, без разлика колку и да се мали шансите за повеќето корисници да го искористат целиот простор кој го имаат, оваа информација значи дека ќе треба нешто повеќе да се внимава.
