Иако повеќето корисници во денешно време го користат Google Maps сервисот којшто може да работи во „Earth“ режим, сепак Google Earth останува еден од најдобрите начини да се разгледа планетата Земја, кога целта во главно е разгледување.

Во текот на годините Google Earth доби повеќе нови функции кои ја надополнуваат можноста за разгледување на разни места на Земјата, а достапни се и мобилни апликации, додека на десктоп сервисот е префрлен во главно да се користи преку прелистувач, поради развојот на веб технологиите кои го овозможија истото.

Сепак, дали намерно, а со објаснување дека поради веб технологии, со години Google Earth може да се отвори само преку Google Chrome. Другите прелистувачи не беа поддржани, а интересно беше што тоа беше случајот и за некои од Chromium прелистувачите.

После 6 месеци тестирање, Google Earth сега може да работи и на други прелистувачи, не само преку Chrome. Тоа значи дека, според Google, корисниците на Mozilla Firefox, Microsoft Edge и Opera можат да отидат на https://earth.google.com/web/ и сервисот ќе функционира и на нивните прелистувачи. Од тоа што проверивме, Google Earth работи и на Brave, кој е направен на основа на Chromium, што значи дека сервисот би работел на повеќето.

Apple Safari се’ уште не ја добива поддршката, но од Google истакнуваат дека тие работат на тоа.

Главната причина поради која Google Earth сега може да функционира на останатите прелистувачи е користењето на WebAssembly стандардот којшто е поддржан од сите прелистувачи.

ИЗВОРGoogle
ИЗВОР 2PCMag
Претходна статијаПо долго време Instagram за Windows 10 доби надградба која целосно ја промени апликацијата
Следна статијаHuawei ID го доби Европскиот печат на приватност за Европа и ЕЕЗ
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.