После толку компании коишто објавија дека некој од нивните сервиси ја има поминато границата од 1 милијарда активни корисници во месецот, веќе ваква вест можеби и не се чини толку интересна.
Сепак, бројката е за почит, па без разлика од колку сервиси е помината, вреди да се истакне кога некој ќе успее да ја достигне.
При објавувањето на финансиските резултати од работењето за минатата година на Alphabet, истакнато беше дека Gmail ја има поминато границата и сега има повеќе од 1 милијарда активни корисници во месецот.
Оваа информација не само што не е за изненадување, туку повеќето сигурно сме очекувале бројката да била и порано надмината. Сепак, дали некој од нас познава некој којшто нема Gmail сметка.
Со ова Gmail се приклучува на другите сервиси од Google коишто имаат повеќе од милијарда активни корисници, односно YouTube, Search, Google Maps, Android и Chrome.
Дополнителна информација којашто беше исто така објавена е дека 10% од одговорите на пораките преку Gmail се направени со користење на функцијата за автоматско одговарање. Ова не сме сигурни дали би важело за нашата земја.
Thanks a billion for helping us make Gmail better and better!https://t.co/Rd82YqwGjl
— Gmail (@gmail) February 1, 2016
