Сатурацијата на кислород во крвта или SpO2 е еден од важните параметри кои вреди да се следат како за време на спортување, така и во нашиот секојдневен живот. Параметарот е особено критичен во спортовите како што се планинарење, алпинизам и други, кога има појава на разреден воздух или друг физиолошки ризик што доведува до недостиг на кислород во нашето тело. Тоа е особено важно за целокупното здравје и е еден од клучните индикатори на респираторни проблеми.

Преку серијата Watch GT, Huawei претстави опција за моментално мерење на овој параметар во своите модели, меѓу кои и кај Watch GT 2, Watch GT 2e, Watch Fit и Watch GT 2 Pro кои се достапни на нашиот пазар. Покрај тоа, во следните неколку дена, до 16 ноември, со ажурирање на врвниот модел Watch GT 2 Pro, ќе може постојано да ја следите сатурацијата на кислород, па дури и да добиете предупредување кога паѓа под одредена граница – под 90% за која се смета дека треба да се обрне поголемо внимание. Во екот на зимската сезона, кога респираторните заболувања се честа и вознемирувачка појава, овој параметар може да го следите и на дисплејот на вашиот смарт часовник.

Употребата на нови материјали, како црн сафир-кристал во основата на часовникот, во голема мера ја зголемува точноста на измерените параметри, вклучително и отчукувањата на срцето и сатурацијата на кислород, како и зголемувањето на нивото на стрес и фазите на спиење. Паметниот часовник не е медицински уред, но е незаменлив партнер кој го насочува вашето внимание кон подобрување на физичкото и менталното здравје, а во некои случаи – како нетипична промена на срцевиот ритам или сатурација на кислород во крвта, може да ве предупреди и охрабри да направите потемелна проверка.

За да ја искористите оваа опција на Watch GT 2 Pro, треба да ја ажурирате апликацијата Huawei Health на вашиот паметен телефон во верзијата 11.0.0.510, која е веќе достапна во Huawei AppGallery, и самиот часовник во верзијата 10.1.2.52, што ќе се испраќа етапно на уредите во периодот од 9 до 16 ноември.

Претходна статија„Mac“ официјално почнува да работи на чип развиен од Apple
Следна статијаСите нејзини тајни (The Secret She Keeps) – Нова австралиска серија на Pickbox NOW