Од оваа недела Windows 11 им е достапен на корисниците, но во својата прва тест верзија која сепак не се препорачува за сите. Финалната верзија е најавена за некаде во есен, но тоа е период од три месеци кој прави голема разлика, а посебно за нетрпеливите фанови.
Датата која се очекува дека сепак ќе биде избрана за пуштање на финалната верзија е 20ти октомври. Причината за ова верување доаѓа од Microsoft кои на презентацијата на Windows 11 ја користеа оваа дата на календарот, како и на часовникот на таскбарот.
Исто така, за време на презентацијата, Панос Панај во разговор со еден од програмерите во компанијата ја споменуваат оваа дата, која сепак може да е за претставување на нов Surface производ, но секако може да е поврзана и со Windows 11.
Според информациите, Walmart во САД го најавуваа октомври како месец кога корисниците ќе можат да очекуваат бесплатна надградба на Windows 11, па слободно може да се каже дека повеќе знаци укажуваат на октомври, ако веќе не и точната дата.
Логично би било Microsoft да го пушти Windows 11 во октомври и поради тоа што најавија дека системот ќе стане достапен пред празниците кои во САД се стандардно во декември. Иако се можни одредени промени во датата, па пуштањето да биде во ноември, можеме да бидеме сигурни дека тоа нема да се случи подоцна.
