Изминатиот период од повеќе места наидов на верзија од Windows 11 која наводно е посебно прилагодена од страна на Microsoft за владините корисници. Оваа верзија очекувано доаѓа без „следењето“ на активностите на корисникот од страна на Microsoft, а тука влегува и достапноста на Windows Defender.
Оваа верзија од Windows исто така не ги вклучува повеќето апликации од Microsoft, а посебно е интересно што го нема ни Microsoft Edge.
Сепак излезе дека Windows 11 G верзијата не е официјална верзија од Microsoft, па треба да се внимава, односно најдобро е да не се инсталира. За корисниците кои сакаат „полесна“ верзија од Windows 11, доста подобра е Tiny11 верзијата, иако и за оваа може да се каже дека не е целосно безбедна.
Колку и да ги критикуваме големите компании за следење на своите корисници, не се добива ништо доколку се инсталира верзија од систем од непроверена трета страна.
Како и да е, ваквите верзии се доказ колку од корисниците би сакале да користат поедноставна верзија од Windows, без сите апликации и функции кои Microsoft упорно ги додава.
Дел од корисниците се префрлуваат на Linux, но не сите го имаат познавањето и желбата потребни за една ваква промена.
