Програмерот NTDev, направи „намалена“ верзија од Windows 11 која функционира со многу помалку ресурси, па поради тоа може да се користи на компјутери со послаби карактеристики.
Tiny11, како што е наречена оваа неофицијална верзија од Windows 11, може да функционира со само 2GB RAM, а просторот којшто е потребен е 8GB. Windows 11 бара барем 20GB простор за нормално функционирање.
Ова е постигнато со тргање, односно бришење на голем број од апликациите кои доаѓаат со Windows 11, како и со тргање на одредени функции. Сепак, тоа не значи дека Tiny11 нема се што му е потребно, а секако корисниците можат да си инсталираат тоа што им фали.
Tiny11 е направен на основа на Windows 11 Pro 22H2, што значи се работи за најновата надградба од системот.
Иако е интересно да се види што може да се направи од страна на програмерите, сепак не се препорачува да се користи ваква верзија. Истата е неофицијална, што значи дека нема поддршка и надградби од страна на Microsoft, а исто така, не се знае точно кои се сервиси се исклучени кои може да направат проблем со безбедноста, на пример.
Во видеото во продолжение, NTDev објаснува како е направен Tiny11 и кои се неговите карактеристики, а достапен е и линкот за инсталација на системот.
