Еден ден по настанот кога беа презентирани iPhone 16 серијата и другите уреди, Apple официјално ги пушти финалните верзии од оперативните системи, вклучувајќи го и најважниот, iOS 18.
iOS 18 е една од поголемите надградби на системот, па веќе пишувавме што се ново донесува. Дел од тие новини ги вклучуваат работите како нов контролен центар, можност за поставување на иконите на било кој дел од екранот, можност за поставување на темна тема кај иконите, како и боја од позадината, тука е и целосно новата Photos апликација, а секако една од најголемите новини е Apple Intelligence.
Интересно, Apple Intelligence функциите не се веднаш достапни, освен во бета верзијата од iOS 18.1, па за сите корисници се најавува за октомври со официјалното пуштање на iOS 18.1 за сите.
Apple оваа недела објави и документ во кој се набројани и објаснети сите новини кои се дел од iOS 18, а дел од овој документ се и сите Apple Intelligence функции. Документот е достапен на овој линк, а ист таков документ можете да погледнете и за iPadOS 18.
