Преку пробивање на алгоритамот кој овозможува активирање на копијата од Windows XP, овозможено е активирање на овој оперативен систем исто како да е купен. Серверите од Microsoft се секако исклучени одамна, па активирањето се прави на самиот компјутер, односно „офлајн“.
Деталите за ова се објавени на tinyapps страната, каде може да се види и како да се активира овој веќе доста стар оперативен систем.
Причината поради која вакво нешто воопшто е направено и привлекува внимание е можноста за корисниците кои имаат потреба од Windows XP, истиот да го активираат и без проблем да го користат.
Потреба од Windows XP може да имаат корисници со стар софтвер прилагоден во времето на системот, а секако тука се и ентузијастите кои креираат системи со постари верзии поради истражување и слични потреби.
Windows XP официјално има околу 0,35% од пазарот, но се верува дека бројката е нешто поголема поради корисниците кои го имаат овој систем, но истиот не е поврзан на интернет.
Поддршката за XP заврши пред 9 години, односно во 2014, а најпопуларна верзија која излезе подоцна и која може да се спореди со XP e Windows 7, верзија која голем број корисници се’ уште одбиваат да ја променат.
