Веројатно една од највозбудливите промени во Windows 10 се универзалните апликации, кои ќе работат на смартфони, таблети и компјутери. Конечно, ваквите апликации беа лансирани и во најновата техничка верзија на Windows 10 Mobile, наменета за паметните телефони.
Microsoft Office апликациите содржат Word, Excel, Powerpoint и One Note и можат да работат на сите уреди што можете да ги замислите. Во превод, ова значи дека доколку почнете некој документ на мобилниот телефон, лесно ќе можете да го продолжите на вашиот компјутер, во многу слично опкружување, со многу мали промени. Всушност, кога ќе има надградба за овие апликации, таа ќе важи за сите уреди.
Користењето на Office апликациите кај мобилните телефони ќе биде особено возбудливо кога ќе биде достапна Continuum функцијата кај телефоните, со која ќе можат да се поврзат со поголем екран, маус и тастатура и да се користат како компјутер, со целосно десктоп опкружување. Самите Office апликации тогаш ќе изгледаат исто како оние на компјутерите.
Windows 10 Build 10080 конечно доаѓа и со новиот Windows Store, кој, погодивте, исто така е универзален и ќе работи на сите уреди. Пазарот за апликации се драстично подобрен, особено во поглед на дизајнот, но и натаму има проблеми и багови.
Исто така, Microsoft најави и дека ултра популарната игра Candy Crash Saga, ќе биде вградена апликација во Windows 10 за сите уреди, додека конечно е достапна и новата XboX апликација за телефоните, во која ќе може да ги следите освоените поени во игрите и да ги споредите со пријателите.
Новата Build 10080 верзија на Windows 10 Mobile за прв пат е и достапна за Lumia 930, како и за телефон кој не е произведен од Nokia/Microsoft, HTC One M8.
Извор: Engadget, Liliputing
