На почетокот од минатиот месец, во рамките на WWDC 2022, Apple ги претстави наредните верзии од нивните оперативни системи. Претставени беа iOS 16, iPadOS 16, macOS Ventura, како и watchOS 9.
Како и секога година, по претставувањето Apple пушта тест верзии наменети за програмерите, но последните неколку години од компанијата почнаа со пуштање на бета верзии и за обичните корисници.
Овие бета верзии за обичните корисници сега се достапни и секој заинтересиран може да ги инсталира новите верзии од оперативните на Apple порано од другите и да ги проба, а финалните верзии ќе бидат пуштени во есен, како и обично.
За да инсталирате бета верзија некој од вашите уреди, а сепак треба да знаете дека се можни одредени проблеми, треба да отидете на оваа страна од Apple од вашиот уред, да се најавите со вашата Apple сметка и да притиснете на Get started линкот. На страната која ќе се отвори се избира оперативниот систем, по што ќе треба да симнете „профил“ кој се инсталира на самиот уред. По инсталацијата и рестартирање на уредот, се што треба е да проверите за нови верзии како и обично, па ќе биде достапна бета верзијата за инсталирање.
iOS 16 покрај другите работи, донесува нов начин за измена и прилагодување на „заклучениот екран“. Сега тука се достапни повеќе видови на позадини, како и виџети кои се посебни од тие на левата страна од екранот и наликуваат повеќе на компликациите од Apple Watch.
iPadOS 16 ја донесува одличната Stage Manager функција која е нова и на macOS, а кратко кажано, донесува работа со прозори како кај компјутерите кај iPad. Stage Manager дефинитивно вреди да се користи и целосно го менува начинот на работа со iPad.
macOS Ventura ги донесува подобрувањата кај Mail Messaged и другите апликации кај Mac, а тука е и одличната Stage Manager функција за работа со повеќе отворени апликации, подобрен Spotlight и повеќе.
На крајот, watchOS 9 донесува големо подобрување кај Workout делот кој сега е доволно посложен за да може посериозно да се користи без потреба од додатни апликации. Тука е и подобрувањето кај следењето на спиењето кое сега ги прикажува фазите на спиење, а достапни се и неколку нови дизајни на часовниците, анимациите и слично.