Една од главните разлики кај корисничкиот интерфејс на Android во споредба со iOS со години е споеното прикажување на известувањата и брзите прилагодувања. За доста корисници овој начин на нивно прикажување е подобар, па стилот кој го користи Apple во iOS се смета за непотребно издвоен.
Оваа разлика веќе и официјално нема да ја има, а после неколку кинески производители и Samsung, сега и основната верзија од Android ќе овозможува поделба на овие два дела.
Во тест верзиите од Android 16 може да се види дека Google работи на можноста брзите прилагодувања да бидат на посебен дел до кој ќе се пристапува со повлекување надолу од горниот десен дел од екранот, исто како и кај другите.
Со оглед дека засега оваа новина на изгледа доволно завршена, се верува дека истата нема да биде подготвена за пуштање уште со првата финална верзија од системот.
За разлика од iOS, на Android корисниците обично добиваат избор, па се очекува дека и за оваа промена корисниците ќе можат да изберат да се прикажува со стандардниот стил, наместо новиот.
Оваа новина ја откриваат и ја следат од Android Authority, а во продолжение можете да го погледнете и нивното видео каде добро е прикажана.
