После повеќе месеци достапност во бета верзија, како за програмерите, така и за обичните корисници, верзијата 10.14 од macOS, која е наречена Mojave, е официјално достапна во нејзината финална верзија за сите корисници.
Како што тоа секогаш го правиме, би препорачале да ја инсталирате најновата верзија од оперативниот систем којшто го користите, затоа што истата донесува покрај нови функции, подобрување на перформансите и безбедноста.
macOS Mojave беше претставен во јуни оваа година и како што истакнаа од Apple, акцентот е ставен на подобрување на перформансите на целиот оперативен систем.
Од новините во оваа верзија кои не се поврзани со перформансите, веднаш се истакнува темниот режим на работа. Со овој режим сите апликации и нијанси на оперативниот систем се со темна, односно нијанса на црна боја, а достапни се и уште неколку други новини.
