Подготовките за второто издание на хуманитарната велодружба “Cycle4Charity”, која годинава ќе се одржи на 15 април со почеток од 17:30 часот, се одвиваат со полна пареа.
Што треба да знаете за втората хуманитарна велодружба Cycle4Charity:
Кога првпат се одржа овој настан?
Првата хумниатарна велодружба се одржа минатата година на 27 октомври во организација на IT компанијата Интертек. За сите оние кои ја пропуштиле или не биле во можност да учествуваат, истата може да ја погледнат овде.
Која е целта на овој настан?
Целта на овој настан е да се покаже грижата за општеството и поддршка на социјално загрозените семејства и поединци во нашата заедница и можност за социјализација на отворено во релаксирана велоатмосфера.
Каде да се пријавам за учество?
За да бидете дел од нашата втора велодружба на 15 април, пријавете го вашето учество овде. Точната локација и рутата како и повеќе информации за втората хуманитарната велодружба “Cycle4Charity” ќе бидат дополнително објавени на официјалните Facebook и LinkedIn профили на Интертек и пратени на вашата е-адреса.
Каде ќе бидат донирани паричните средства?
И овојпат, сите средства кои ќе се соберат пред и за време на настанот ќе бидат донирани во здружението „Љубезност“, кое се залага за помош и поддршка на социјално загрозени семејства и поединци и реализира хуманитарни активности под името Вистински Дела На Љубезност“.
Кој може да учествува со своја донација?
Сите оние кои сакаат да дадат свој придонес и да им помогнат на оние на кои им е најпотребно истото може да го направат пред самото случување, со онлајн донација од 200 денари на жиро сметката на ЗГ ЉУБЕЗНОСТ – СКОПЈЕ – Е ДОНАЦИИ со назнака донација за Cycle4Charity.
ИТ компаниите, кои сакаат да земат учество, можат да се вклучат како индивидуалци или како компанија поддржувач на настанот, со тоа што пред самото случување, својата онлајн донација треба да ја направат на жиро сметката на ЗГ ЉУБЕЗНОСТ – СКОПЈЕ – Е ДОНАЦИИ со назнака донација за Cycle4Charity.
Како да донирам онлајн?
Цел на дознаката: Донација за Cycle4Charity
Назив на налoгопримачот: ЗГ ЉУБЕЗНОСТ – СКОПЈЕ – Е ДОНАЦИИ
Трансакциска сметка на налагопримачот: 300000004297815
Банка: Комерцијална Банка
Шифра на плаќањето: 562
Дополнително, учесниците ќе имаат можност на лице место да донираат во кутиите кои ќе бидат поставени за таа намена.
