Samsung денеска го одржува својот Galaxy Unpacked настан којшто за првпат поради корона кризата ќе се одржи само онлајн. За повеќето гледачи на настаните од Samsung можеби и ќе нема некоја разлика, па настанот повторно ќе биде достапен за следење во живо преку YouTube.
Samsung веќе потврди дека на овој настан треба да очекуваме претставување на пет моќни уреди, а неофицијалните информации како и секогаш, не оставаат многу за изненадување од официјалното претставување.
Од тоа што можевме да прочитаме досега, а и од силуетите кои се гледаат во „трејлерот“ кој го објави Samsung, очекуваме претставување на Galaxy Note20 телефоните, потоа новите и интересни слушалки Galaxy Buds Live, нова генерација од Galaxy Watch паметниот часовник, втората генерација од Galaxy Fold, како и нови таблет компјутери.
Настанот ќе започне во 16:00 часот според македонско време и ќе може да се следи во живо на видеото во продолжение, а секако можете да кликнете на насловот од видеото ако сакате да го отворите директно на YouTube.
