Во понеделникот беше првиот и за нас најважен дел од WWDC 2023 конференцијата од Apple за програмерите. Првиот ден обично ни е најважен поради тоа што тогаш се презентациите на новите верзии од оперативните системи од компанијата, а и се претставуваат ако има нови компјутери и други уреди.
На настанот ги видовме iOS 17, iPadOS 17, macOS 14 (Sonoma), watchOS 10, како и M2 Ultra чипот кој ќе работи на новата генерација од Mac Studio и новиот Mac Pro кој за првпат е претставен со чип од компанијата.
Секако, еден од најважните моменти на настанот беше оставен за крај, со позната „One more thing“ изјава, а тоа беше првиот уред за проширена реалност од Apple. Vision Pro е просторен компјутер, како што го нарекуваат од компанијата и е баш каков што би го очекувале од оваа компанија.
Сите најважни работи кои беа презентирани во понеделник, сумирани од Apple, можете да ги погледнете во видеото во продолжение.
