Во октомври оваа година Qualcomm го претстави Snapdragon X Elite чипот наменет за Windows компјутерите. Иако ова не е нивниот прв ваков чип, сепак е првиот со кој се најавува сериозна конкуренција на Apple и нивните М чипови со кои популарноста на Mac компјутерите значително порасна изминатите години.
Кратко кажано, предноста на овие чипови е нивната помала потрошувачка, а конечно овие години се успева и со зголемување на нивните перформанси кои веќе можат да се мерат, па дури и да ги поминат x86 чиповите, односно тие од Intel и AMD.
Qualcomm уште на претставувањето на Snapdragon X Elite излезе со споредби со конкурентите, а знаеме на кого се мисли и тврдење дека нивниот нов чип успева да е и до 30% побрз.
Apple ја претстави третата генерација од нивниот М чип за кратко време по Snapdragon X Elite, па сега работите стануваат уште поинтересни.
Qualcomm сега тврди дека Snapdragon X Elite е побрз и од новиот чип на Apple кога е во прашање тестирање на едно јадро, а тестирањата со повеќе јадра го прават чипот 21% побрз.
Од компанијата очигледно кажуваат дека тие ги имаат поминато Apple и тоа не за мали проценти, па корисниците на Windows идната година можат да очекуваат доста добри компјутери.
Овие компјутери може да се очекуваат од летото, па натаму, а тука се и Intel кои имаат доста добри нови чипови од „класичната“ архитектура.
Причината поради која Qualcomm успева да ги стигне Apple е Oryon процесорот кој е направен од страна на компанијата Nuvia која стана дел од Qualcomm. Оваа компанија е основана од поранешни вработени во Apple, па резултатот е очекуван.
Останува да ги видиме првите тестови и споредби кога ќе има официјален уред со Windows идната година, а посебно што голем фактор тука е и софтверот, па да видиме како ќе се покаже Snapdragon X Elite.
