Заоблените екрани се’ уште не може да се каже дека се масовно користени од страна на корисниците, меѓутоа тие полека добиваат на популарност. Веќе се достапни повеќе модели од телевизори, а корисниците можат да купат и монитори со заоблен екран.
Samsung оваа недела го претстави SE790C, нов модел од монитор кој што доаѓа со заоблен екран. Сепак, заобленоста на екранот не е единствениот негов адут. Тој исто така вклучува и WQHD резолуција со 3440 x 1440 пиксели и како и таканаречена ултра ширина со 21:9 формат. Големината на екранот изнесува 34 инчи, што покажува дека сепак не е наменет за обичниот домашен корисник кој што во главно сурфа на интернет.
Од компанијата истакнуваат дека мониторот овозможува навистина посебно корисничко искуство овозможено од точно одредената заобленост. Истата е наречена 3000R и вклучува заобленост со радиус од 3.000 милиметри кој што овозможува скоро иста оддалеченост на центарот на екранот и останатите делови до очите на корисникот. Тоа овозможува гледање на сликата без никаква нејзина дисторзија и прикажување на уште поприродни и истакнати бои. Исто така, заобленоста е направена да најдобро се прилагоди на поставеноста на очите со што се постигнува помало нивно оптеретување и зголемена удобност.
Мониторот исто така доаѓа и со Picture-by-Picture (PbP) и Picture-in-Picture (PiP) кои што овозможуваат подобро работење на повеќе работи одеднаш, односно мултитаскинг. Picture-by-Picture овозможува поврзување на дополнителен уред, како на пример таблет или лаптоп компјутер и гледање на сликата од него до сликата од главниот уред.
Извор: Samsung