MacBook Pro лаптоп компјутерите моментално доаѓаат со екрани со mini-LED технологија, па може да се каже дека сепак овие уреди доаѓаат со доволно добри екрани.
Сепак, OLED технологијата се смета како доста подобра, барем за одредени видови на содржина, а тука е и предноста од подобрата заштеда на енергија поради начинот на функционирање на истата.
Според информациите, Apple веќе ги подготвува производителите за инвестирање во OLED екрани со поголеми димензии, поточно такви за лаптоп компјутерите.
Информацијата доаѓа од тајванската истражувачка компанија TrendForce, а според нив првите MacBook Pro компјутери со OLED екрани може да се очекуваат помеѓу 2026 и 2027 година.
Ова е веќе стандардно за Apple да доцнат со воведувањето на одредени технологии, а тоа сепак да не е поради чекање истите да бидат доволно развиени. OLED технологијата одамна е развиена и се користи стандардно, па може да се каже дека нема оправдание за одложувањето од страна на компанијата.
iPad Pro таблет компјутерите првпат добија OLED екран дури оваа година, а сепак мора да се признае дека можеби и имало причина за чекање до сега. Истите доаѓаат со двоен OLED екран, со што се добива подобра светлина и бои од тоа што обично се очекува од оваа технологија.
За идната година од MacBook Pro не треба да се очекува повеќе од добивање на новите чипови за идната година, но и тоа не е мала работа, посебно за професионалците на кои им е потребна моќта.
