Microsoft ги освежи двата лански Copilot+ компјутери со кои ја започна оваа серија на компјутери кои доаѓаат со ARM чип и вештачка интелигенција. Овие уреди беа познати и по тоа што Windows 11 конечно почна да работи на ARM, односно на уреди кои се добра конкуренција на MacBook од Apple.
Од компанијата ги претставија Surface Pro и Surface Laptop кои оваа година се освежени со мали промени во изгледот, како и мало намалување на големината на екраните.
Surface Pro сега доаѓа со 12 инчен екран, додека Surface Laptop со 13 инчен. Двата уреди продолжуваат да работат на Snapdragon X Plus чипот од Qualcomm, а овој чип, во неколку негови верзии, ја донесе со години очекувана конкуренција на MacBook и М чиповите од Apple.
Намалувањето на димензиите на овие два уреди ги прави доста конкуренти на пазарот, а посебно во конкуренција со MacBook Air, а Microsoft директно ја прави споредбата кога истакнува колку може да издржи батеријата кај овие два нови компјутери.
