Сакате да развивате серверски софтвер, а немате пристап до сервер? LeMaker има решение – нивната Cello мини серверска плоча е пандан на Raspberry Pi, само во поголемо пакување и со помоќен процесор наменет за серверски апликации.
Самиот процесор е интересно на AMD, кој како „сламка“ за спас на својата дивизија за процесори која има константен пад последниве неколку години, неодамна ги лансираше првите серверски чипови базирани на ARM архитектурата, за разлика од досегашните x86 чипови. Нивниот 64-битен Opteron A1120 чип има четири ARM Cortex-A57 јадра и е прилично моќен, но не очекувајте да го видите во компјутер или смартфон наменет за приватните корисници во скоро време – ова е исклучиво серверски чип, кој ќе се користи поврзан во серија со повеќе идентични чипови.
Покрај релативно моќниот процесор, серверската плоча Cello на LeMaker има два слотови за DDR3 рам меморија, истата онаа што се вградува во десктоп компјутерите, како и два SATA 3.0 приклучоци за SDD или HDD дискови. Ова значи дека Cello доаѓа само со матична плоча и процесор и за да имате целосно функционален компјутер, ќе треба да вложите плус средства од почетните 299 долари колку што чини плочата.
Од останатите можности за поврзување, Cello има и две USB 3.0 порти, micro USB порта, PCI Express x16 слот и Gigabit Ethernet слот за мрежно поврзување. Плочата ќе може да функцинира со Red Hat, CentOS и Debian Linux дистрибуциите и ќе може да се користи како платформа за LAMP (Linux, Apache, MySQL и PHP). На плочата веројатно ќе може да се развива софтвер и за MySQL серверот на Microsoft, кој неодамна најави поддршка и за Linux.
Извор: PC World, Liliputing, LeMaker
