Во рамките на CES 2024, Intel ја претстави својата целосна серија на Intel Core 14th Gen процесори за десктоп и лаптоп компјутерите. Оваа серија е освежување до одреден степен на ланската 13та генерација, а посебно внимание привлекува целосно новата Intel Core серија која беше претставена со своите први U модели за потенките лаптоп компјутери.

Во октомври минатата година Intel ги претстави првите три процесори од 14тата генерација за десктоп, а истата на CES е комплетирана, односно претставени се останатите 65 и 35-watt процесори наменети за сите категории на десктоп и се-во-едно компјутери.

Оваа генерација сега ги добива и своите лаптоп верзии, па со тоа може да се каже дека 14тата генерација е комплетирана и на корисниците им го нуди најдобриот избор во моментот за било која намена.

Од Intel Core 14th Gen процесорите за лаптоп компјутерите посебно се истакнува Core i9-14900HX кој доаѓа со 24 јадра, односно осум за моќни перформанси и 16 за заштеда на енергија. Овој процесор исто така доаѓа со „turbo“ ферквенција до 5,8GHz, што треба да овозможи до 17% подобрување на перформансите кај игрите.

За мене посебно внимание привлекува првата серија од новата архитектура и именување на процесорите, а тоа е Intel Core U Processor Series 1. Оваа серија е претставена со Intel Core 7 150U процесорот кој доаѓа со 10 јадра од кои две за перформанси и осум за заштеда на енергија и турбо фреквенција до 5,4GHz.

Оваа серија доаѓа со поддршка за до 96GB DDR5 RAM, PCIe Gen 4.0, Bluetooth 5.4, Wi-Fi 7 и повеќе.

Новата серија е наменета за потенките лаптоп компјутери, а тоа истата треба да им овозможи на овие уреди е доста подобри перформанси од досега достапните, со добра ефикасност, односно потрошувачка на енергија.

Исто така, на основа на овие процесори ќе функционира и новата верзија на Windows која во голем дел ќе ја донесе вештачката интелигенција.

Корисниците треба да очекуваат и поголема конкурентност на Windows лаптоп компјутерите со тие од Apple.

Сите детали поврзани со новите процесори се достапни тука.

Претходна статијаRabbit R1 е уред со вештачка интелигенција кој се обидува да го замени концептот на смартфоните
Следна статијаOpenAI претстави продавница за GTPs, односно посебно изменети верзии од ChatGPT
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.