Иако најчестиот избор на производителите кога се во прашање мини компјутерите е оперативниот систем на Google, Chrome OS, има и такви кои почнаа да го отфрлаат поради сите лимитации, како на пример тоа што мора секогаш да бидат поврзани на интернет, како и недостатокот на апликации.
Најновиот мини компјутер од гамата на Dell, Inspiron Mini Desktop, ќе има вграден целосен Windows 8.1 оперативен систем, кој и покрај тоа што и натаму бара посилни процесори за оптимална работа, а во однос на Chrome OS, драматично е подобар во однос на претходниците, со големата придобивка на многу повеќе програми и апликации.
Мини компјутерот на Dell има Intel процесори од Celeron и Pentium линијата, кои нудат солидни перформанси и ниска потрошувачка, но истите се помогнати од само 2 GB рам меморија, која може да го ограничи користењето на повеќе апликации одеднаш, како и само 32 GB SSD диск за складирање податоци, што е многу, многу малку за Windows 8.1 оперативен систем. За среќа, има можност за надградба на 500 GB хард диск.
Компјутерот ќе има четири USB порти, Wi-Fi и Bluetooth конекција, како и читач за картички и излез за дисплеј. Цената ќе му изнесува исклучително поволни 180 долари, односно 380 долари за модел со 23 инчен монитор и безжични маус и тастатура. Прилично достапно за целосен десктоп компјутер, но веројатно само за оние кои не користат тешки програми и апликации, бидејќи и покрај новите чипови, перформансите ќе бидат ограничени.
Извор: ZDNet