Претседателот Доналд Трамп може да се каже дека има „проблеми“ со медиумите уште од неговото стапување на функција. Тој многу често ги обвинува за пренесување на лажни вести, а посебно за него и останатите конзервативни, односно десно ориентирани политичари и јавни личности.

Обвинувањата обично се на сметка на медиумите чии сопственици се блиски со левицата во САД, а во таа група се ставени и Facebook и Twitter, не ретко.

Преку неговиот Twitter профил, претседателот Трамп излезе со обвинување дека Google намерно ги прилагодува резултатите од пребарувањата со цел прикажување на повеќе негативни новости поврзани со него и десницата.

Тој исто така истакна дека 96% од резултатите за „Trump News“ се од левичарски медиуми кои се негативно настроени кон него, а тој тоа го означува како многу опасно. Тој тврди дека Google и другите го потиснуваат гласот на конзервативците, односно десничарите и ги кријат вестите кои се добри и позитивни. Тие, истакнува тој, контролираат што е тоа што можеме и не можеме да го видиме.

Ова, според Трамп, е сериозна ситуација и за истата ќе бидат преземени мерки.

Што точно би било преземено за оваа ситуација не е јасно, а посебно што сепак се работи за земја каде медиумите имаат доста права и било каква мерка може да добие несакан правец, а посебно доколку биде насочена кон медиуми кои навистина пренесуваат лажни вести.

ИЗВОРThe Verge
Претходна статијаЕдукативен текст: Како безбедно да возите по дожд?
Следна статијаСите три Galaxy S10 модели ќе имаат сензор за отпечатоци под екранот
Мишо Лекиќ
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.
Facebook

ПОВРЗАНИ СТАТИИПОВЕЌЕ ОД АВТОРОТ