The Financial Times излезе со неофицијална информација дека Microsoft биле во преговори со познатата мрежа Pinterest за нејзино купување.
Ова не би било првпат Microsoft да покаже интерес и да купи друштвена мрежа, па во нивна сопственост сега е бизнис друштвената мрежа LinkedIn, која ја купија во 2016 година.
Според информациите од The Financial Times, преговорите за купување на Pinterest веќе не се активни, што значи дека не било успеано да се дојде до некаков договор.
Pinterest можеби не е Instagram или Facebook, но сепак е една од најпознатите мрежи која се проценува дека има вредност од 51 милијарда долари. Тоа е голема сума која Microsoft секако можат да ја платат, без разлика во каква форма.
Една од причината поради која Microsoft биле заинтересирани за купување на Pinterest наводно е во дополнителното промовирање на нивниот сервис Azure, кој иако е еден од неколкуте најпознати во светот, сепак во доста области не успева да го помине AWS од Amazon.
