CNN Money, како што и самото име кажува, е веб страна која што е наменета за информации од областа на финансиите, како посебен дел од CNN. Тие оваа година составија листа на најдобри директори на компаниите, а првото место го доби директорот на Apple, Tim Cook.
Причината поради која што тој е прогласен за најдобар директор за оваа година е зголемувањето на вредноста на акциите за 40%, што е блиску до највисоката вредност од постоењето на компанијата. Тоа според CNN е постигнато со претставување на новите iPhone 6 модели, Apple Pay системот за плаќање преку мобилен уред, како и очекуванота продажба на Apple Watch идната година.
Tim Cook исто така е ценет поради успешното докажување дека Apple може да продолжи да работи и по смртта на Steve Jobs, нешто што многу луѓе го ставија под знак прашалник. Голем број на луѓе сметаа дека Apple постепено ќе почне да паѓа, а дека неколкуте производи кои што беа претставени по Jobs, биле развиени од негова страна.
Cook ја има најтешката директорска работа во Америка. Тој мораше да ги убеди скептиците дека Apple ќе може уште да иновира после смртта на Steve Jobs. Тој ги поби сите кои го тврдеа спротивното. – CNN
Листата на најдобри директори за 2014 од CNN е составена од 10 директори, па останатите 9 кои што се најдоа на истата ги вклучува:
- John Chen – BlackBerry
- Satya Nadella – Microsoft
- Mary Barra – GM
- Marissa Mayer – Yahoo
- John Legere – T-Mobile
- Meg Whitman – HP
- Sally Smith – Buffalo Wild Wings
- Rodney McMullen – Kroger
- Les Wexner – L Brands
Извор: CNN Money
