Скопје, 20 април 2023 – Компанијата Samsung Electronics освои вкупно 80 награди на престижниот германски меѓународен натпревар во дизајн Меѓународен форум (iF) Design Awards 2023,. Меѓу наградените беа и фрижидерот Samsung Bespoke Infinite Line¹ и кујнските апарати кои освоија златна награда.
Основан во 1953 год. како „Die Gute Industrieform e.V.“, на форумот iF Design Award се врши сеопфатна евалуација на факторите вклучувајќи диференцијација и влијание во вкупно девет категории: производ, пакување, комуникација, професионален концепт, внатрешна архитектура, архитектура, дизајн на услуги, корисничко искуство ( UX) и кориснички интерфејс (UI).
„Важно е да се дизајнираат значајни искуства кои ги интегрираат променливите кориснички вредности со иновативни технологии. Ќе продолжиме да придонесуваме за животите на нашите корисници и нашето општество со дизајни кои ги задоволуваат сите потреби“, изјави Т.М. Рох, претседател и раководител на Центарот за корпоративен дизајн во Samsung Electronics.
Златната награда оддава признание на дизајнот кој нуди прилагодени искуства за различни животни стилови
Bespoke Infinite Line е премиум, вграден фрижидер кој е достапен при изборот на фрижидери, замрзнувачи или модели за винарски подруми, и има безвременски современ модуларен дизајн кој беспрекорно се вклопува во секој ентериер². Со едноставни линии, висококвалитетни природни материјали и карактеристики кои ја зголемуваат практичноста и го поедноставуваат складирањето на храната, Bespoke Infinite Line додава трајна вредност на кујните на корисниците.
Надворешниот дел на фрижидерот е изработен од врвен алуминиум, кој е поотпорен на вдлабнатини и гребаници и овозможува лесно бришење на траги и дамки. Внатрешноста е светла и рафинирана, со Black Metal Cooling плоча и Tunnel Lighting – две карактеристики што го отелотворуваат елегантниот баланс меѓу формата и функцијата на ладилникот.
Вкупно 80 награди, од производи до UX дизајн, вклучувајќи телевизори, апарати за домаќинството и паметни телефони
На овогодинешниот настан iF Design Awards 2023, компанијата Samsung освои вкупно 80 награди во сите категории на дизајн во кои спаѓаат групата „производ“ и UX, каде што беа најдоминантни по бројот на номинации.
Покрај златната награда за Bespoke Infinite Line, Samsung доби и награди во категоријата производи за Odyssey Ark, првиот 55-инчен заоблен екран за гејминг од 1000R, Bespoke Jet™, безжичен сè-во-едно држач- правосмукалка со мултифункционална станица за чистење Clean Station™ и Galaxy Z Flip4 Bespoke Edition, паметен телефон што нуди ексклузивно искуство за прилагодување што им овозможува на корисниците да дизајнираат уред кој е уникатно нивен.
Понатаму, Samsung TV UX е исто така препознатлив по својата дизајнерска извонредност. Станува збор за опции кои вклучуваат Водич за знаковен јазик базиран на аватари, кој дава објаснувања на знаковен јазик на менијата на телевизорот, и Samsung Space Tycoon – игра базирана на симулација и управување со виртуелен простор на платформата Roblox metaverse. Таму, корисниците можат да креираат, да гејмаат и споделуваат искуства со помош на уредите Samsung.
