По блокирањето на Facebook, Русија го блокира и пристапот до Instagram поради дозволувањето на обично забранета содржина од страна на Meta, односно повикување на насилство кон руските војници и власти.
Поради оваа одлука на Meta, која подоцна сепак беше ограничена, но остана да важи, московски суд пресуди против компанијата и ја означи како виновна за екстремистички активности. Со ова веќе и не може да функционираат друштвените мрежи од компанијата, а исто така оваа компанија не може да функционира во Русија.
Доколку Meta се врати на почитувањето на правилата на Русија, ќе можат повторно да функционираат во земјата.
Интересно, оваа одлука не се однесува на една апликација од Meta, а тоа е WhatsApp апликацијата за комуникација. Оваа апликација останува да функционира во Русија, а тоа во главно се должи и на огромниот број на корисници кои ги има во земјата.
Според информациите, поради можното блокирање на WhatsApp, голем дел од корисниците преминуваат на Telegram, апликација која веќе ја помина WhatsApp по бројот на корисници во земјата.
