Корисниците кои што ова лето планираат да патуваат во Србија, Црна Гора или Босна и Херцеговина, ќе можат да разговараат додека се наоѓаат во таканаречената роаминг зона, за доста пониски цени.
Намалувањето на цените е дел од взаемниот договор кој што го потпишаа трите земји и нашата, кој што ќе почне да важи од 30-ти Јуни 2015. Сите земји освен БиХ, која што се очекува тоа да го направи наскоро, го имаат ратификувано договорот што е услов за неговото спроведување.
Намалувањето на цените, покрај разговорите, ги опфаќа и SMS пораките и интернет сообраќајот. Намалувањето на цените за разговор изнесува 73%, додека интернет сообраќајот се намалува за 90%. SMS пораките ќе чинат скоро исто како во нашата земја, односно нивната цена ќе биде 5,6 денари по порака.
Операторите веќе имаат свои понуди за роаминг преку бирање со посебен код пред бројот, па ќе видиме како новиот договор ќе влијае на овие цени.