Познатата компанија порано позната по името Symantec, NortonLifeLock и исто така познатата Avast, склучија договор за спојување со кој двете компании ќе добијат значително поголем пазарен удел во светот.
Пред 5 години Avast го купи познатиот конкурент AVG, па сега може да се каже дека на пазарот ќе функционира компанија зад која ќе стојат технологиите од овие три компании.
Според информациите, со спојувањето на двете компании тие ќе овозможуваат сервиси на повеќе од 500 милиони корисници во светот, а се очекува и раст вредноста од 280 милиони долари во наредната година.
NortonLifeLock е одамна позната и ценета компанија во областа на онлајн безбедноста. Порано под името Symantec, а Norton се користеше како бренд за комерцијалните производи, сега се вика NortonLifeLock по продажбата на делот за бизнис корисници на Broadcom.
Avast е компанија која е основана во Чешка и одамна им е позната на корисниците, посебно во овој дел од светот. Може да се каже дека најголемата популарност ја доби со пуштањето на бесплатна верзија од нивниот антивирусен софтвер, нешто што потоа стана стандардно и од другите компании.