Shutterstock.com

Netflix изминатите години прерасна од место каде може да се гледаат добри филмови и серии од разни продукциски куќи, во место од каде што доаѓаат овие добри филмови и серии. Голем дел од најквалитетната и популарна содржина изминатата година е направена од Netflix, односно е финансирана од нив.

Оригиналната Netflix содржина, како што се нарекува, ќе стане уште поголем дел од оваа компанија досега само за стриминг на содржина. Од компанијата ќе продолжат да инвестираат во оригинална содржина и оваа година ќе ја зголемат сумата која ја трошат на дури 17 милијарди долари.

Ова претставува зголемување од околу 2 милијарди во споредба со минатата година, што значи дека може да се очекува дека и оваа година повеќето работи што ќе ги гледаме, ќе бидат на Netflix.

Овие бројки сепак не се официјални од Netflix. Тие доаѓаат од аналитичката компанија BMO Capital Markets која работи на Wall Street. Сепак, кога ќе се земе во предвид дека нејзината проценка е пренесена од доволно сериозни медиуми во САД, може да се знае со сигурност дека бројката е прилично точно.

Исто така, секој кој доволно гледа Netflix, му е јасно колку оваа компанија инвестира во оригинална содржина, па очекувањата се дека тоа ќе продолжи и оваа година.

Netflix не е без конкуренција во својата работа. Покрај старите и познати продукциски куќи, кои не ретко соработуваат со нив, тука се и Amazon Prime Video, Apple TV, Disney+, кои сите инвестираат исто така големи пари во сопствена, оригинална содржина.

Изборот на содржина за гледање е најголем досега, па може и да се постави прашањето дали ова носи и квалитет во споредба со времињата кога требаше од време на време да се отиде во кино.

ИЗВОРTechSpot
ИЗВОР 2Variety
Претходна статијаНа Huawei им оди добро и без сервисите и апликациите од Google
Следна статијаInstagram го тргна IGTV копчето од својата апликација поради слабо користење од страна на корисниците
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.