При крајот на вчерашниот ден излегоа гласини дека Microsoft се подготвува за големо отпуштање на вработени. Директорот на компанијата, Сатја Надела, ја потврди оваа одлука денеска и најави дека ќе бидат отпуштени 10.000 вработени. Ова е едно од поголемите отпуштања во компанијата, а станува и очекувано кај големите ИТ компании поради кризата во која се наоѓа светот.
Објаснувањето за отпуштањата е прилагодување на трошоците во време на намалени приходи, кои се резултат на кризата, односно инфлацијата во скоро секој дел од светот. Се истакнува дека како што дигиталното трошење било зголемено за време на пандемијата, сега корисниците го намалуваат темпото, односно гледаат да поминат повеќе со помалку.
Отпуштените ќе добијат натпросечни отпремнини, шест месеци покривање на здравственото осигурување, како и можност за награди преку добивање на акции. Вработените треба да бидат отпуштени до крајот на третиот фискален квартал, што во САД тоа е до март.
