Како што повеќето корисници на Македонски Телеком денеска можеа да забележат, услугите од компанијата имаа прекин, па не секогаш можеше да се воспостави повик.
Од компанијата уште пред неколку часа излегоа со известување со кое го потврдија проблемот и истакнаа дека се работи за прекин на кабли направен од страна на трети страни при градежни работи.
Проблемот сега е решен, а корисниците веќе не треба да имаат било какви проблеми при користењето на услугите од компанијата.
Од Македонски Телеком на сите свои приватни и бизнис корисниците им доделуваат 10GB мобилен интернет кој може да се искористи до крајот на овој месец.
Во продолжение го пренесуваме целосното известување од компанијата.
