При крајот на минатата година Google драстично ги заостри мерките поради COVID-19 барајќи од вработените задолжителна вакцинација, иако истата мерка која требаше да биде донесена на федерално ниво, по предлог на претседателот Бајден, беше спречена од страна на федерален суд.
Од компанијата им дадоа рок на вработените да дадат доказ за вакцинација или медицинска или верска причина зошто не можат да бидат вакцинирани, во спротивно почнувајќи од 18 јануари, тие прво ќе бидат ставени на платено отсуство, па на неплатено, по што ќе бидат отпуштени.
Останува нејасно зошто во целата оваа приказна не се зема во предвид природниот имунитет кој повеќе пати е докажано дека е во најмала рака на исто ниво со вакциналниот, но најчесто подобар и подолготраен.
Од компанијата првично не го испочитуваа рокот даден до 18 јануари, а сега целосно се откажаа од оваа контроверзна мерка за присилна вакцинација на вработените. Вработените веќе не мора да бидат вакцинирани за да го задржат своето работно место, а исто така ќе можат да се вратат во канцелариите со останатите вработени.
Сепак, за невакцинираните, тука повторно не е споменуваат прележаните, ќе мора да почитуваат неколку дополнителни мерки кои нема да важат за вакцинираните вработени, како носење на маски и слично.
Од компанијата најавија дека повторно ќе ги вратат некои од познатите нивни активности, како што се вежбални за вработените, масажи и слично.