By Maurizio Pesce from Milan, Italia - Elon Musk, Tesla Factory, Fremont (CA, USA), CC BY 2.0, https://commons.wikimedia.org/w/index.php?curid=38354348

Преку омилениот начин на комуникација со јавноста, Елон Маск на Twitter објави дека од денес ќе продолжи со работа фабриката на Tesla во општината Аламеда во Калифорнија. Продолжувањето на работата на фабриката е спротивно на правилата од општината, па поради тоа можни се и санкции кои може да вклучат и апсење.

Во твитот Маск истакнува: Тесла го рестартира производството денес спротивно на правилата на опшатината Аламеда. Јас ќе бидам на линијата заедно со сите други. Ако некој е уапсен, барам да тоа бидам само јас.

Елон Маск веќе е познат по своите критики за затворањето на економијата и барањето да луѓето седат затворени дома. Тој неколку пати дава интервјуа и објавува на Twitter дека тоа што се случува е фашизам и дека луѓето се со сила затворани во своите домови. Оваа недела тој исто така излезе со ставот дека смртноста на болеста е значително помала од тоа што се мислеше, па смета дека бизнисите треба да продолжат со работа.

Инаку, за разлика од Калифорнија, која како држава ги олабави мерките, општината каде што е лоцирана фабриката на Tesla, Аламеда, одлучи да не го следи тој пример. Од општината истакнуваат дека тие ги имаат информирано Tesla дека можат да функционираат само на основно ниво и најавуваат дека компанијата може да се соочи со дополнителни мерки за спроведување на правилата.

ИЗВОРTechSpot
Претходна статијаОвој викенд НЕОТЕЛ и Гоблин го организираат првиот онлајн турнир во друштвени игри
Следна статијаHuawei го претстави P30 Pro New Edition со апликациите и сервисите од Google
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.