Минатата година излезе во јавноста информација, која потоа Apple ја потврди, а тоа е дека iPhone софтверски е забавуван после одреден период. Објаснувањето за оваа практика беше стареењето на батеријата, па со ограничувањето на ресурсите се овозможува нејзино нормално функционирање и времетраење, како и намалување на шансите за непланирано исклучување на уредот.
Се разбира, за ова корисниците не биле информирани, не знаеле дека нивниот нешто постар iPhone се’ уште е доволно силен и брз, а се што треба е да ја заменат батеријата со нова.
Поради тоа корисниците обично се имаат решавано да купат понова верзија од iPhone.
Од Apple по „признавањето” на нивната практика почнаа да даваат попуст за батериите, а исто така воведоа и можност корисниците да го исклучат забавувањето на уредот кога батеријата е веќе постара, а не е променета.
Според најавата за најновиот извештај од компанијата, ова има влијаено во намалување на продажбите на iPhone, а поради тоа се очекува и значително намалување на приходите од компанијата.
Се разбира, причини за намалување на приходите се и други кои Тим Кук посебно ги објаснува, но делот за поретко купување на нов iPhone поради можноста да се замени батеријата и тоа за пониска цена, е нешто што привлекува поголемо внимание.
Корисниците логично, својот една година стар телефон, нема да го заменат со нов, туку ќе му ја променат батеријата за 29 долари, а Apple останува со нешто помал процент на продадени уреди.
