tesla roadster-от
Фото: Elon Musk

Научниците од Торонто изгледа немаат многу попаметна работа, па решија да се позанимаваат со малку статистика. Нивните симулации одредија точен процент Tesla Roadster-от кој беше лансиран на 6ти месецов да се врати на планетата Земја.

Секако евентуалното враќање ќе изгледа многу помалку театрално од она што го изведе Falcon Heavy пред 15-тина дена. Истото би можело да се случи во периодот од наредните 3 милиони години. И тоа, во првите милион години, веројатноста изнесува само 6% планетата Земја да се најде на траекторијата на Roadster-от. За период од уште 2 милиони години процентот ќе се зголеми речиси двојно, односно 11%.

Траекторијата на објектот кој во вселената се однесува како слободно тело го одредуваат гравитационите полиња на крупните вселенски тела. Откако беше лансиран и излезе од атмосферата на нашата планета, тој се движи во насока контра сонцето под инерција на залетот земен во Земјиниот гравитациски простор. Брзината со која во моментов се движи е нешто над 12.000 км/ч. Патеката по која ќе се движи е директно во зависност од гравитационите полиња на планетите на кои во иднина „ќе налета“. Па затоа не возможно е конкретно да се каже каде и во кое време ќе се најде овој вселенски „патник“.

Проценките кои ги претставија научниците од Торонто се засновани на симулација, поточно 240 различни симулации. Тие дури предвидоа и некаков си „динамичен животен век“ на автомобилот кој изнесува неверојатни 20 милиони години. Ваквите претпоставки се далеку од реални со оглед на тоа што материјалите од кои е направен автомобилот ќе се декомпонираат далеку пред тоа како последица на огромната радијација во вселената.

ИЗВОРAlphr
ИЗВОР 2The random walk of cars and their collision probabilities with planets
Претходна статијаSkype со огромен безбедносен пропуст, Microsoft не се брза да го поправи
Следна статијаSamsung на присутините на Unpacked ќе им го прикаже Galaxy S9 преку проширена реалност