Џон Красински, познат по повеќе филмови и серии, но најмногу по американската верзија од „The Office“ во која го глумеше Џим Халперт, отвори свој YouTube канал кој наликува како доста спонтана идеја.
Каналот секако е замислен да биде хумористичен до одреден степен, а е наречен „SomeGoodNews“. Како што кажува и самото име на каналот, тој е замислен како место каде гледачите ќе можат да видат само добри, позитивни вести.
Отворањето на каналот е инспирирано поради мерките за седење дома, а има за цел да ги покаже позитивните работи кои се случуваат за време на пандемијата со SARS-CoV-2. Па така, тој во своето прво видео прикажува ситуации како оставање на мали поклони за доставувачот од страна на некој човек и слично.
Каналот можете да го најдете на овој линк, а првото видео, во кое го има и Стив Карел, можете да го погледнете во продолжение.