Компанијата Genesis, која на пазарот претставува луксузни автомобили и е во сопственост на Hyundai, на крајот од минатиот месец го сруши Гинисовиот рекорд за летање на најмногу беспилотни летала, односно дронови во исто време.
Рекордот е срушен со летање на 3.281 дрон над Шангај за време на настан за одбележување на влезот на брендот во Кина.
Сите овие дронови летаат синхронизирано и со тоа креираат одредени форми, како што е на пример логото од компанијата, меѓу другото во овој случај.
За таа цел се користи посебен софтвер за кореографија, а исто така се осигурува дека дроновите нема да се судрат еден со друг.
