Сенатори од САД предложуваат закон којшто треба да биде донесен, а кој меѓу другото вклучува и нови начини на којшто населението ќе биде известувано за одредени итни работи, како што се ракетен напад, цунами и слични.
Овие известувања обично се прават преку телевизиите кои сепак во денешно време не се главниот начин на којшто луѓето гледаат филмови, серии и други емисии. Како што ни е јасно на повеќето од нас, Netflix, Hulu, YouTube, а и такви како Spotify, се главниот начин на којшто се консумира содржина во денешно време.
Законот предвидува да овие сервиси се користат за одредени итни известувања, па властите да можат да бидат сигурни дека повеќето жители ќе бидат известени во случај на потреба.