xbox-one-vs-ps-4

Двете најпознати играчки конзоли, најавени и долго очекувани се официјално излезени. Ако сакате да добиете одговор на прашањето која конзола е подобра, одговорот е дека тоа зависи од вас, бидејќи се се сведува на софтверот кој ви се нуди и работите кои не ви се кажуваат од страна на компаниите.

Спецификации и минуси:
Двете конзоли имаат 8 јадрени AMD Jaguar x86 (архитектура) процесори, 8GB RAM, но:

Xbox користи DDR3 RAM и 500GB хард диск кој не ви е дозволено да го менувате, но дозволено е да правите back up на екстерни дискови. Не поддржува Bluetooth, Dolby Digital и Remote Play (Smart Glass), но ќе бидат активирани во иднина со закрпа. За да го замени DreamBox-от или ресиверот што го имате за гледање ТВ, половина од игрите ќе бидат лимитирани на 30 fps и 720p резолуција, што е голем минус за нова генерација на играчки конзоли.

PS4 користи GDDR5 RAM,  500GB хард диск кој што можете да го менувате за побрз или поголем. Доколку сте PS+ претплатник секој месец Sony подарува неколку мали игри од независни издавачи и по две ексклузивни наслови за PS3 и за PS4. За разлика од старата генерација на PlayStation, PS4 има неколку работи што нема да ви се допаднат во старт (како на Xbox One некои работи ќе бидат сменети преку закрпи).

Доколку сакате да играте online ќе мора да сте претплатник на PS+, а анимираните позадини или рачно изработените desktop теми веќе не се поддржани. Blu-Ray дискот нема да функционира додека не го активирате системот на нет и нема да може да чита аудио ЦД-а. Исто така екстерни USB мемории и хард дискови не се веќе поддржани.  PS4 има вградено HDCP (High-bandwidth Digital Content Protection) на HDMI портовите што значи сите што имаат екстерна картичка за снимање видеа од YouTube, веќе нема да може да го прават тоа. PS4 Share опцијата не поддржува YouTube и нема да може да се користи како media server за гледање филмови, слики, музика и сл. (како PS3-ката). Исто така нема да има поддршка за Mp3, но ќе можете да слушате музика преку Sony Music Unlimited. Не е сигурно, но во иднина можно е оваа забрана до биде тргната преку закрпа.
PS4, бидејќи е наменет само за игри (ексклузивните PS4 наслови), истите ќе функционираат на 60 fps и на 1080p резолуција.

Двете конзоли се способни да рендерираат резолуција, но само видео содржина.

Сега, се се сведува на игрите, која конзола има подобар избор.
Сопствениците на солидни PC-ја нема воопшто да се воодушеват од “новата генерација” бидејќи некои наслови се по 2-3 години стари и веќе се играат на STEAM. Другата причина е тоа што конзолите ги претворија во Low-End PC-ја и 90% од игрите кои се очекуваат на PC изгледаат подобро од секој агол, односно, не сe лимитиран со fps, резолуција, детали, екрани, аnti-aliasing, antisotropic filtering, FOV, Physx и сл.

ps-4

PS4 игри
Ако веќе сте нарачале PS4 имајте на ум дека мора да се претплатите на PS+ за да играте online, но и тоа дека ви следуваат две ексклузивни PS4 наслови секој месец.
За овој месец преку PS+ ви се достапни за download две игри.

contrast-resogun
Contrast, одлична платформска сложувалка со многу мрачна атмосфера, станува збор за игра на сенки и светлина, и моменталниот хит Resogun, 2Д ретро акција со авионче и PhysX ефекти на стероиди од креаторите на SuperStarDust.

ps-4-games
Други наслови што можат да се набават сега се:
PS3 хитот FLOWER од креаторите на Journey која во 2012 беше прогласена за најдобрата инди игра, плус, Македонскиот Радио Симфониски Оркестар го свири soundtrack-от. Се работи за Cross-Buy наслов, што значи, ако веќе ја имате на PS3 за PS4 ве следува бесплатно.
Четвртото продолжение на акциониот sci-fi fps : Killzone – Shadow Fall,  доволно е да се каже дека луѓе што веќе имаат нарачано PS4 го имаа сторено тоа поради овој наслов (и за DriveClub).
Knack, платформска 3Д авантура (комбинација од God of War и Crash Bandicoot) која ќе ве врати во детството бидејќи е масло на Mark Cerny, креаторот на Marble Madness (Аркадни игри/Флипери),  Sonic the Hedgehog 2 (Sega Mega Drive), Spyro the Dragon (PS), Crash Bandicoot (PS), Jak and Daxter (PS2), Ratchet and Clank (PS2), Uncharted1 (PS3),  Resistance (серијалот).

Три Free-to-Play наслови :
Black Light Retribution (класичен акционен FPS = PC наслов),  DC Universe Online (заразно MMO кое бара посветеност како World of Warcraft = PS3 наслов) и Warframe (акционo sci-fi TPS = PC наслов).

Сега за сега од овие три наслови Warframe е најдобриот избор бидејќи може да се игра тимски во CO-OP и ги има најбогатите  PhysX particle ефекти кои го цедат хардверот максимално.

DriveClub играта која требаше да е достапна сега (како и многу други наслови) e одложена после 2014 година.

Како и на Xbox ексклузивните наслови се сиромашни, што значи ќе ги играте истите наслови кои се достапни и на другите платформи :
Need for Speed : Rivals,  Battlefield 4, Assassin Creed IV : Black Flag, Call of Duty : Ghosts,  Fifa 2014, Injustice: Gods Among Us, Just Dance, Lego : Marvel Super Heroes, Madden NFL 25, NBA Live 2014,  NBA 2k14, Playroom, Skylanders Swap Force, Sound Shapes (Cross-buy наслов), Super Motherload и Trine 2.

xbox-one-tx

X-Box ONE игри
Од ексклузивни наслови (сега) имате на располагање само 6 наслови:
Dead Rising 3, Ryse : Son of Rome, Forza Motorsport 5, Crimson Dragon, Killer Instinct и NFL Madden 25.
Другите наслови веќе ви се познати :
Assassin’s Creed IV : Black Flag, Battlefield 4, Call of Duty : Ghosts, Need for Speed : Rivals , FIFA 14, Fighter Within, Forza Motorsport 5, Just Dance 2014, LEGO Marvel Super Heroes, LocoCycle, Madden 25, NBA 2K14, NBA Live 14, Powerstar Golf, Skylanders : Swap Force, Xbox Fitness,
Zoo Tycoon и Zumba Fitness : World Part.

xbox-one-games

Да заклучиме
Ако земете конзола сега, ќе почекате скоро цела година да дојдат игрите со кои се рекламираа Sony и Microsoft, а тоа значи само Xbox One нема да фаќа прашина бидејќи ќе го користите за гледање ТВ и филмови.

Ако планирате да купите конзола, ве молам оставете коментар  и споделете зошто …

 

Претходна статијаMicrosoft е во преговори за купување на Winamp ?
Следна статијаXbox One направи продажба повеќе од 1 милион во првите 24 часа