Кратка недостапност на познатите сервиси како Facebook и слични не е нешто што е непознато за корисниците иако ретко се случува. Поради реткоста на ваквите случаеви, а и огромниот број на корисници кои се буквално зависни од овие сервиси, нивната недостапност привлекува големо внимание.
Денеска за првпат после подолг период, недостапна беше страна на YouTube. Сервисот беше недостапен во поголемиот дел од светот, а проблемот можеме да го потврдиме и ние.
Повеќе информации за тоа што го има предизвикано прекинот на YouTube, кој траеше околу 15тина минути, нема, но се верува дека сепак не се работи за некаков напад на мрежата или слично. Според информациите, се работи за рутинска работа околу сервисот.
Корисниците кои се обиделе да ја отворат страната, но и тие кои веќе биле вклучени, почнале да добиваат информација за грешка, нешто што барем за овој сервис е ретко, а повеќето корисници го немаат видено до сега.
YouTube веќе функционира без дополнителни проблеми, а и не се очекува повторување на прекинот, барем не веднаш.
Сервисот во сопственост на Google досега се има покажано како навистина стабилен, па ваквите проблеми скоро и се немаат случено досега.
Извор: TechCrunch, Mashable, TNW, BGR